Tractat navau de Washington
| Tonatges autorizats | |||
| Païs | Naviris de batalha | Pòrtavions | Nombre |
|---|---|---|---|
| Reiaume Unit | 580 450 t | 135 000 t | 22 |
| Estats Units | 500 600 t | 135 000 t | 18 |
| Japon | 301 320 t | 81 000 t | 10 |
| França | 220 170 t | 60 000 t | 10 |
| Itàlia | 180 800 t | 60 000 t | 10 |
Lo Tractat navau de Washington es un tractat internacionau signat lo 6 de febrier de 1922 entre los Estats Units, lo Reiaume Unit, Japon, França e Itàlia. Èra un acòrdi de limitacion dels armaments navaus adoptat dins l'enchastre de l'après Prumiera Guerra Mondiala per assajar d'empachar un retorn a la corsa als armaments dels ans 1910. Definissiá de maximoms de tonatges, de calibres e de nombre de naviris capitaus per chasque signatari. En particular, lo tonatge maximom per un naviri foguèt fixat a 35 000 t e lo calibre maximom de l'artilhariá embarcada a 406 mm. Alemanha èra pas pertocada per lo tractat car sas capacitats navalas èran ja limitaas per lo Tractat de Versalhas.
Lo tractat iniciau foguèt modificat per los tractats navaus de Londres signats en 1930 e en 1936. Entraïnèt la retiraa de naviris ancians e la construccion de naviris novèus, mai leugiers e mai modernes. Totun, amb l'aumentacion de las tensions internacionalas de la fin dels ans 1930, Japon se retirèt publicament dau tractat e Itàlia adoptèt de mesuras per l'ignorar en secret.